ഈ ബ്ലോഗ് തിരയൂ

2016, ജനുവരി 9, ശനിയാഴ്‌ച

അമ്പലപ്രാവുകളും ത്മോഗർത്തങ്ങളും ഇണ്ട്


അടിത്തട്ടില് സമാധാന സമ്മേളനങ്ങളിൽ
പറത്തുന്ന ചിറകുകെട്ടിയ പ്രാവുകളുണ്ടു
അതവിടെ എന്നുമുണ്ടെന്ന  കാര്യം
പണ്ടേ ഉണ്ടായിരുന്നതിനാൽ
എലികളൊന്നുമില്ലാതിരിന്നിട്ടും
തമോഗര്ത്തങ്ങളുടെ കറുത്തപൂച്ചയെ
നേത്രോന്മീലനം ചെയ്ത സ്റ്റീഫന് ഹോക്കിംഗ്
ഭിന്ന ശേഷിയുള്ളൊരു കസേരയിലെ
ദിവ്യ ശേഷിക്കാരനായി

അടുക്കളയിലെ ഉരുണ്ടു ചുരുണ്ടു മയങ്ങുന്ന
വിറകടുപ്പിനു മുകളില്
തീകായാന് കിടക്കുന്ന അട്ടത്തിലെ വിറകില്നിന്നും
ചൂടിന്റെ ശിശിരം ഇല്ലത്തുംകരി പൊഴിക്കുന്നു

ഉതിരുന്ന മൃദുകരിയെ വലംകയ്യാൽ തടുത്ത്‌
ഇടം കയ്യാൽ  ഉറിയിലെ വെണ്ണകട്ടു തിന്ന്
"ഞാനൊന്നും അറിഞ്ഞില്ലേ നാരായണാ  ..." എന്ന്
തമോഗര്ത്തമൊന്നുമില്ലെന്നു
കണ്ണുചിമ്മി ദ്വാരങ്ങളടക്കുന്നിപ്പോൾ
ആ ദിവ്യ കുസൃതിക്കാരാൻ

ക്ഷേത്ര മരച്ചില്ലകൾ
ശാഖോപശാഖകൾ
പൂക്കാവടി ആടിയുലയുമ്പോൾ
ചേക്കേറുന്നു പ്രാവുകൾ
അങ്ങേതിലെ പള്ളിമിനാരത്തിൽ
ചെറുമന്ത്രങ്ങൾ കുറുകി
പള്ളിമേക്കൂരയിലവ
പിന്നെയും തീര്ക്കുന്നൊരമ്പലം

ദേശദേവാതാമുറ്റത്തുള്ളൊരു
പൂജാപുഷ്പങ്ങളിലൊന്നതാ
വിയദ്ഗംഗയിലും വിണ്മിനാരത്തിലും
  പ്രാവായ് വിരിഞ്ഞിരിക്കുന്നു

മൂത്തുപ്പയുടെ കാലത്തും
സൗമ്യസാന്നിദ്ധ്യമായ് മിനാരത്ത്തിൽ
പ്രാവുകളുണ്ടെന്നു അബ്ദുമാഷ്
അമ്പലപ്രവേ... എന്നേ  നീട്ടിയോവിളിച്ചുള്ളൂ
ഉസ്താദും കുട്ട്യോളും

ചെരുചതുര തക്കാളിപെട്ടികളിലെ
വെളൂത്തപ്രാവുകളുടെ
കയ്റ്റിറക്ക് അട്ടികള്

പ്രാവുകൾ കൂടുകൂട്ടിയ മരങ്ങളെങ്ങുമില്ലിപ്പോൾ
ഉച്ചിയിൽ വട്ടമിട്ടുപറക്കുന്ന
പ്രാപിടിയൻ തണല്
വെളുത്ത പ്രാവുകൾ  യുദ്ധമുഖത്തെ
ഒര്മിപ്പിക്കുന്നതകയാൽ നീറമുള്ളവ
ഭക്ഷ്യയോഗ്യമെന്നു തീറ്റക്കാരൻ
മിനാരത്തിലിപ്പോൾ
ബ്രോയ്ലര് പ്രാവുകളെന്നൊരാൾക്കൂട്ട ആരവവും