ഈ ബ്ലോഗ് തിരയൂ

2016, ജൂലൈ 7, വ്യാഴാഴ്‌ച

ഓഫ് ലൈൻ പുഴ ----------------------------


ഓഫ് ലൈൻ പുഴ ----------------------------
///////////////////////////////////////////////////////////////////////////////////////////////
മധ്യവേനലവധിയില്ലാത്ത മധ്യപൂർവ്വദേശത്ത്
ദുബൈ പാം ജുമൈരയിലെ
തുകകൂടിയൊരു ഫിഷ്‌ സ്പായിൽ
പൂർണ്ണ നഗ്നയായികിടക്കുന്നു
അഖില ത്രുശ്ശീവപേരൂർ
'ഫീലിംഗ് ഇക്കിളി ' (അനുയോജ്യമായ ഇമോജി ഇല്ല )
എന്ന പോസ്റ്റിനു തീപ്പിടിക്കുന്നു
ഓടിയെത്തുന്നു തെക്കുപടിഞ്ഞാറൻമഴ ,
കേട്ടവര്, കണ്ടവര്
തീയണക്കാൻ

""കാണായ് രണ്ടു തുടകൾക്കിടയിൽ
നീലാഞ്ജനത്തിൻ പൂവോ പരല്മീനോ... ""
എന്ന മണിപ്രവാളം പഠിപ്പിക്കാൻ
വെപ്രാളംപൂണ്ട അധ്യാപികയെ
കുറിച്ചോർത്തു ചിരിക്കുന്നതിനിടയിൽ
എത്രമീനുകൾ അവളുടെ ഉടലിൽ
കൊക്കുരുമ്മിയെന്നു അറിഞ്ഞതേയില്ല

ഒരായിരം കുഞ്ഞുമീൻ കൊത്തുകൾ ചേർന്ന്
രതിമൂര്ച്ച്ചയാകും മുൻപ്
ഓടിയെത്തിയവൾ പട്ടുപാവാടയിൽ.
കടവിലെ പിലാപിയകൾ
വഴിപാടു ധാന്യം തിന്നുമ്പോൾ
ഒഴുകിയതാ പോകുന്നു
അറവുശാലയിലെ വന്കുടൽ ,
പിന്നാലെ കോണകം ,
സ്വാമിയേ.. ശരണമയ്യപ്പാ തോർത്തുമുണ്ടിനെ
തൊട്ടുതൊട്ടില്ലെന്നൊരു നാപ്കിൻ ,
മതി മതി ...
പുഴ ഒരു കളിയിലെ ഓഫ് ലൈനാണ്
അതു തീണ്ടരുതു